“နာမည်ကျော် ဘောလုံးသမား”

ကိုယ်ပိုင် ဘရန်း (Personal Brand) ဆိုတာ ဘောလုံးကစားသမားတစ်ယောက်လိုပဲ။
ပါဝင်ဆော့ကစားတဲ့ ဘောလုံးအသင်း (Team) တွေသာ တစ်ခုပြီးတစ်ခု ပြောင်းသွားတယ်၊
အားပေးတဲ့ Fans တွေကပြောင်းမသွားဘူး။

“နာမည်ကျော် လုပ်ငန်းရှင်”
စီးပွားရေးမှာလဲ ကိုယ်ပိုင်ဘရန်း ဆိုတာ အင်မတန်စွမ်းတယ်။ ခုမှ စတင် ဖြန့်ဖြူးရောင်းချတဲ့ ကုန်ပစ္စည်းဆိုပေမယ့် သူလုပ်တဲ့ ထုတ်ကုန်ဆိုရင်ယုံပြီးသားပဲ ဆိုပြီး အားပေးကြတယ်။ အမှန်တော့ ထုတ်ကုန်တစ်ခုက အဲဒီအခြေအနေမျိုး ယုံကြည်မှုတစ်ခုကို ရောက်ဖို့ဆိုတာ အချိန်တွေအများကြီးပေးရတာ၊ မလွယ်ဘူး။ ဒါပေမယ့် ကိုယ်ပိုင်ဘရန်းက Leverage တစ်ခုလို ပံ့ပိုးပေးသွားတော့ ထုတ်ကုန်အပေါ်မှာ ယုံကြည်မှု ဆိုတာ ကူးစက်သွားတယ်။ ရောဂါပိုးပဲ ကူးစက်တာမဟုတ်ဘူး။ ယုံကြည်မှု ဆိုတာ လဲ ကူးစက်တတ်တယ်။

ဒါကြောင့် …
စီးပွားရေး ဘရန်း (Business Brand) တစ်ခုတည်းနဲ့ကျေနပ်မနေပဲ.. ကိုယ်ပိုင်ဘရန်း ( Personal Brand) ဖြစ်အောင်လုပ်။ကိုယ်ပိုင် ဘရန်း (Personal Brand) ဆိုတာ အင်မတန် အစွမ်းထက်တယ်။ လုပ်ငန်းတစ်ခုစတိုင်း အစကနေ ပြန်တည်ဆောက် စရာမလိုတော့တဲ့အတွက် အချိန်တွေ၊ ငွေတွေ၊ ခွန်အားေ တွအများကြီးသက်သာသွားတယ်။
ဘာကြောင့် ကိုယ်ပိုင် ဘရန်းက အစွမ်းထက်သလဲ ဆိုရင် ..
ဈေးကွက် (Market ) ဆိုတာ လူတွေနဲ့ ဖွဲ့စည်းထားတာ..
လူတွေဆိုတာ ..သက်မဲ့တဲ့ လုပ်ငန်းတစ်ခုထက်၊
သက်ရှိတဲ့ လူ လူချင်း ရင်းနှီးစွာဆက်ဆံရတာကို ပိုကြိုက်တယ်။
လူ လူချင်း ဆက်သွယ် တာက ပိုအသက်ဝင်တယ်လေ။

နှိုင်းယှဉ်ရမယ်ဆိုရင်လဲ …
Elon Musk ရဲ့ ဖန်တွေ (follower) က Tesla ကုမ္မဏီ ထက်များတယ်။
Micheal Dell ရဲ့follower က Dell ကုမ္မဏီ ထက်များတယ်။
Amazon ရဲ့ပဲ့ကိုင်ရှင် Jeff Bezos…
Allibaba တည်ထောင်သူ Jack Ma …
Apple ဉာဏ်ကြီးရှင် Steve Jobs …
AYA ဘဏ် ရဲ့ ဦးဇော်ဇော် …စတဲ့ သူတွေအကုန်လုံးက စီးပွားရေး ဘရန်း (Business Brand) တစ်ခုတည်း မဟုတ်ပဲ ကိုယ်ပိုင် ဘရန်း (Personal Brand) တစ်ခုပါတည်ဆောက်ထားကြတယ်။

" ဈေးကွက်က …
လုပ်ငန်းကို အားပေးတာ မဟုတ်ဘူး၊ လူ ကို အားပေးတာ။
ကိုယ့်ဆိုင်ကို လာဝယ်တာမဟုတ်ဘူး၊ ကိုယ့် ဆီကိုလာဝယ်တာ။
ကိုယ့်ကို မကြိုက်ရင် ..
ကိုယ်ဆိုင်လဲမလာတော့ဘူး၊ ကိုယ့်ပစ္စည်းလဲ မသုံးဘူးလေ။"

ကိုယ်ပိုင်ဘရန်း ရဲ့အစွမ်းက ကိုယ်လုပ်နေတဲ့ လုပ်ငန်းတွေသာတစ်ခုပြီး တစ်ခု ပြောင်းသွားမယ်။အားပေးနေကြတဲ့ Fans တွေက အားပေးနေဆဲပဲ။ ။
ဒါကြောင့် …
ကိုယ့် လုပ်ငန်း ရဲ့ဘရန်း ကို ကိုယ်ပိုင်ဘရန်း နဲ့တွဲလျက် ရှင်သန်ပါ။

မာသင်