လူအများသိတာလား၊ လူသိများတာလား
လူများများသိတာနဲ့၊ လူသိများတာ မတူဘူး။
ကိုယ်ဆိုင်က ဖုန်းဆိုင်ဖြစ်ပြီး၊ ဖုန်းရောင်းတယ် ဆိုတာ လူအများသိကြပေမယ့် ..
ဖုန်းဝယ်တဲ့အခါ ကိုယ့်ဆိုင်ကို သတိမရကြဘူးဆိုရင် “လူသိ”မများသေးဘူးလို့ဆိုရပါမယ်။
“လူသိ” ဆိုတာ ကိုယ့်ဆိုင်ရဲ့ဝန်ဆောင်မှုကို သိပြီးယုံကြည်ပြီးသားသူတွေ..
ကိုယ့်ဆိုင်ရဲ့ ပစ္စည်းကွာလတီကို သိပြီးသား၊ ယုံကြည်ပြီးသားသူတွေ..
ကိုယ့်ဆိုင်က ဈေးနုန်းစိတ်ချရတယ်ဆိုတာ သိပြီးသား၊ယုံပြီးသားသူတွေ..
အနည်းဆုံးတော့.. ကိုယ် နဲ့ရင်းနှီးသိကျွမ်းပြီး ၊ ကိုယ့်ကို ယုံတဲ့သူတွေ ဖြစ်ပါတယ်။
အများသိ နဲ့”အသိ” များတာမတူပါဘူး။
ဘရန်း တစ်ခုက .. လူအများသိဖို့မလိုပါဘူး။
“လူသိ” တွေများဖို့ပဲ လိုတာပါ။
လူအများသိအောင်ချည့်ပဲ ကြော်ငြာတွေ၊ boost တွေပဲလုပ်နေမယ့်အစား၊
ကိုယ့်အကြောင်းကို သူတို့သိအောင်၊
ကိုယ့်ရပ်တည်ချက်ကို သူတို့သိအောင်၊
ကိုယ့်ကြိုးစားနေတဲ့အရာတွေကို သူတို့သိအောင်၊
ကိုယ့် ယုံကြည်ချက်တွေကို သူတို့သိအောင်၊
ကိုယ့်ဒဿနကို သူတို့သိအောင်၊
ကိုယ့်စေတနာတွေသူတို့သိအောင်၊
ကိုယ့်အလေးထားမှုတွေ သူတို့သိအောင် အကြောင်းအရာလေးတွေကို တင်ပါ။
"သိလာမှ … ခင်မယ်။
ခင်လာမှ … ကြိုက်မယ်။
ကြိုက်လာမှ .. ဝယ်မယ်။"
မကြိုက်ရင် … မဝယ်ဘူး။
မကြိုက်ရင်.. အလကားပေးတောင် မယူဘူး။
( ပြီးမှ အခြားသူကို တဘက်လှည့် နဲ့ယူခိုင်းရင် ယူခိုင်းမယ် လေ)
ဝယ်စေချင်ရင် .. သိအောင်လုပ်။
သိအောင်လုပ်ရာမှာ …
လူအများသိဖို့မလိုဘူး။
လူသိ တွေများဖို့ပဲ လိုတယ်။ ။
မာသင်
ဘရန်းမားကက်တင်း
