စားသုံးသူတိုင်းမှာ စိုးရိမ်စိတ်ရှိတယ်။
ဒီစားသောက်ဆိုင်မှာ မစားခင် .. ကောင်းမှ ကောင်းပါ့မလားလို့စိုးရိမ်တယ်။
ဒီသင်တန်းကို မတက်ခင် .. အကျိုးမှ ရှိပါ့မလားလို့စိုးရိမ်တယ်။
ဒီအကျီလေးကို မဝယ်ခင် .. ငါ့နဲ့လိုက်မှ လိုက်ဖက်ပါ့မလားလို့စိုးရိမ်တယ်။
ဒီဆံပင်ဆိုင်မှာ မညှပ်ခင် .. လက်ရာကောင်းမှ ကောင်းပါ့မလား လို့စိုးရိမ်တယ်။
ဒီအွန်လိုင်းရှော့မှာ မဝယ်ခင်.. ယုံမှ ယုံရပါ့မလား လို့စိုးရိမ်တယ်။
ဒီတက္ကစီကားကို မဌားခင်… စိတ်ချရပါ့မလား လို့စိုးရိမ်တယ်။
ဘာလုပ်ငန်းပဲဖြစ်ဖြစ် .. ဘယ်စားသုံးသူမဆို မဝယ်ခင်မှာ စိုးရိမ်စိတ်ရှိပါတယ်။
ကြိုက်တော့ ကြိုက်တယ် .. ဒါပေမယ့် မဝယ်ဖြစ်သေးဘူး .. ဆိုတာက စိုးရိမ်စိတ်ကြောင့်ပါပဲ။
🔷 ရောင်းအားကောင်းဖို့ စိုးရိမ်စိတ်ကို ဖြေဖျောက်ပေးပါ။ 🔷
နည်းလမ်းလေးတွေပြောပြရမယ်ဆိုရင်..
“စားမကောင်းမှာ မစိုးရိမ်ပါနဲ့၊ အမြည်းစားကြည့်မကောင်းရင် မဝယ်နဲ့”…. ဆိုတာ စိုးရိမ်စိတ်ကို ဖြေဖျောက်နည်းတစ်မျိုးပါ။
“သင်တန်းအကျိုးမရှိမှာ မပူနဲ့၊ အကျိုးမရှိရင် သုံးရက်အတွင်း ငွေပြန်အမ်းပေးပါ့မယ်”…ဆိုတာ စိုးရိမ်စိတ်ဖြေဖျောက်နည်းနောက်တစ်မျိုးပါ။
“အကျီစမ်းဝတ်ကြည့်လို့ရတယ်လေ၊ အဆင်ပြေမှ ယူ”… ဆိုတာ စိုးရိမ်စိတ်ဖြေဖျောက်နည်းနောက်တစ်မျိုးပါ။
“တက္ကစီဈေးနုန်းကို ကြိုဖော်ပြထားတယ် ဈေးကြီးမှာ မပူနဲ့” .. ဆိုတာ စိုးရိမ်စိတ်ဖြေဖျောက်နည်းနောက်တစ်မျိုးပါ။
ကဲ ကျွန်တော် ဘယ်လို လုပ်ရမလဲ ဆိုရင် …
ကိုယ့်လုပ်ငန်း နဲ့ပတ်သက်လာရင် ဒီ (၃) ခု လုပ်ပါ။
✅၁။ ကိုယ့်လုပ်ငန်း၊ထုတ်ကုန်၊ ဝန်ဆောင်မှု ကို စားသုံးသူတွေ မဝယ်ခင် စိုးရိမ်တဲ့အရာတွေကဘာတွေလဲ၊ ချရေးပါ
✅၂။ စိုးရိမ်စိတ် တစ်ခုထက်မက ရှိနိုင်ပေမယ့် အကြီးမားဆုံးအရာကို ရွေးချယ်ပါ။
✅၃။ ဘယ်လို ဖြေဖျောက်ပေးမလဲ ဆိုတာ စဉ်းစားပါ။
ကျွန်တော် မာသင် တာဝန်ကျေပြီနော် ၊ မိတ်ဆွေတို့ လုပ်ဖို့ပဲကျန်တယ်။ လုပ်ကြည့်လို့ အဆင်ပြေရင် ကိုယ့်မိတ်ဆွေတွေကိုလဲ Share ပေးလိုက်ကြပါဦးခင်ဗျ ။
