ရောင်းမယ့် အစား… ပြောပြပါ

မားကက်တင်း စိတ်ဝင်စားသူတွေအတွက် မှတ်သားစရာစကားတစ်ခု ရှိပါတယ်။
“Don’t sell them, tell them”
ရောင်းမယ့် အစား… ပြောပြပါ တဲ့။
အင်မတန်မှ အဓိပ္ပါယ်ရှိတဲ့ စာသားပါ။

ရောင်းခြင်းမှာ ကိုယ့်အကြောင်း၊ ကိုယ့်ထုတ်ကုန်အကြောင်း ကို အာရုံစိုက်ပြီး၊
ပြောပြခြင်းမှာ စားသုံးသူအကြောင်း ကို အာရုံစိုက်ပါတယ်။

ရောင်းခြင်းမှာ ကိုယ့်ရောင်းကုန်ရဲ့ အသုံးဝင်ပုံကို အာရုံစိုက်ပြီး၊
ပြောပြခြင်းမှာ ဝယ်သူဘက်မှ အကျိုးဖြစ်စေမယ့် အရာတွေကို အာရုံစိုက်ပါတယ်။

ရောင်းခြင်း မှာ တွန်းအားပေးခြင်း ကို အာရုံစိုက်ပြီး ၊
ပြောပြခြင်းမှာ .. စိတ်ဝင်စားမှုကို ဖြစ်ပေါ်စေပြီး ဝယ်ယူစေခြင်းကို အာရုံစိုက်ပါတယ်။

ရောင်းခြင်းမှာ ကြော်ငြာ ကို အာရုံစိုက်ပြီး ၊
ပြောပြခြင်းမှာ ပျံနှံ့စေခြင်းကို အာရုံစိုက်ပါတယ်။

ရောင်းခြင်းမှာ ရေတိုအလုပ်ဖြစ်မှု ကို အာရုံစိုက်ပြီး၊
ပြောပြခြင်းမှာ ရေရှည်အလုပ်ဖြစ်မှုကို အာရုံစိုက်ပါတယ်။

ရောင်းခြင်းမှာ စီးပွားဆန်ပြီး၊ အရောင်းအဝယ်ဖြစ်မှုTransaction ကို အာရုံစိုက်ပြီး၊
ပြောပြခြင်းမှာ မျှဝေခြင်း သက်သက်သာဖြစ်ပြီး၊ ဝယ်မယ့်သူအတွက်အမြဲတံခါးဖွင့်ထားပြီး ဝယ်ယူစေခြင်းကို အာရုံစိုက်ပါတယ်။

ဝယ်ယူစေခြင်းကို စိတ်ဝင်စားရင်.. ဘာကြောင့် စားသုံးသူတွေ ဝယ်ယူကြသလဲ ဆိုတာကို လေ့လာရပါတယ်။
ဘာကြောင့် ဝယ်ယူကြသလဲ ဆိုတာကို သိရင် ဘယ်လိုဝယ်ယူစေမလဲ ဆိုတာသိလာပါတယ်။
ဒါကို ဝယ်ယူခြင်း ဗေဒ ( Buyology – ဘိုင်အိုလော်ဂျီ) လို့ခေါ်ပါတယ်။

မာသင်