Cell Split
လုပ်ငန်းအဖွဲ့အစည်းဆိုတာ သက်ရှိ (living organism) ဖြစ်တယ်ဆိုတဲ့အချက်ကို တော်တော်သဘောကျမိပါတယ်။
မိမိလုပ်ငန်းအဖွဲ့အစည်းဆိုတာ သက်ရှိဖြစ်လို့ ..
အဝင် (input) နဲ့ အထွက်(output) ဆိုတာရှိတယ်။
ပြီးတော့ Growing or Dying သေးငယ်ညိုးနွမ်းမသွားပဲ ရှင်သန်ကြီးထွားလာအောင် လုပ်ဖို့လိုအပ်တယ်ဆိုတဲ့အချက်တွေကို အရင်ဆောင်းပါးမှာဖော်ပြခဲ့ပြီးဖြစ်ပါတယ်။
💥နောက်ထပ်ထူးခြားတဲ့အချက် နောက်တစ်ချက်က ..
ရှင်သန်ကြီးထွားလာရင် လဲ သေးငယ်သွားအောင် အပိုင်းပိုင်းစိတ်ဖို့လိုတယ်ဆိုတဲ့အချက်ပဲဖြစ်ပါတယ်။
ဒါဟာအင်မတန်ထူးခြားတဲ့ အဖွဲ့အစည်း ဝန်ထမ်းရေးရာ စီမံခန့်ခွဲမှုတစ်ရပ်လို့မြင်ပါတယ်။
ဘာနဲ့တူလဲ ဆိုတော့ .. Cells လိုပါပဲ။ လူသားတွေရဲ့ ခန္ခာကို Cell ပေါင်းဘီလီယံနဲ့ဖွဲ့စည်းထားတယ်။ Cell တစ်ခုချင်းစီက အရွယ်အစားတစ်ခုရောက်ပြီဆိုရင် သူရဲ့ membrane အပြင်ဘက်အမြှေးပါး က cell အတွက်လိုအပ်တဲ့ အာဟာရ နဲ့ စွန့်ပစ်ပစ္စည်းထုတ်လို့မရတော့ဘူး။ အဲဒီအခါ cell က အတွင်းကနေ အပြင်ကိုလိုက်ပြီးပုပ်ညိုးနွမ်းသေဆုံးလာတယ်။
ထိတွေ့မှုများဖို့ အတွက် cell ကို အရွယ်အစားသေးအောင် ခွဲခြမ်းနိုင်ဖို့လိုတယ်ဆိုတဲ့သဘောပေါ့။
ဥပမာအားဖြင့် .. ရေခဲတုံးကြီးတစ်တုံး .. အရေပျော်ဖို့ ခက်ပေမယ့် .. ရေခဲကြေ၊ရေခဲတုံးငယ်အဖြစ်ထုခွဲလိုက်တဲ့အခါ အရည်ပျော်မြန်တာဘာကြောင့်လဲ ဆိုတာနဲ့အတူတူပဲ။ လေထုနဲ့ ထိတွေ့မှုများသွားတာကိုး။
ဒါကြောင့် .. အဖွဲ့အစည်းတစ်ရပ်မှာလဲ ဒီလိုပဲ ။
မိမိ အဖွဲ့အစည်းမှာ ရှိတဲ့ အုပ်စုကို အရွယ်ငယ်သွားအောင် ခွဲလိုက်ရတယ်။ ဒါမှလဲ ထိတွေ့မှုများမယ်။
စားသုံးသူနဲ့ထိတွေ့မှုများမယ်။
အထက် အရာရှိနဲ့ ထိတွေ့မှုများမယ်။
ဝန်ထမ်းတိုင်းနဲ့ လုပ်ငန်းရှင်ထိတွေ့မှုများမယ်။
မဟုတ်ရင်…ခေါင်းဆောင်တစ်ယောက်တည်းကပဲ ထိတွေ့မှုရှိပြီး အတွင်းမှာ ပုပ်သိုးလိုက်လာလိမ့်မယ်။ ဂလိုင်လိုက်စားလာလိမ့်မယ်။
Amazon ကုမ္မဏီ ဆိုရင် ပီဇာနှစ်ချပ်ဥ့ပဒေသ 
(Two Pizza rule) လုပ်ထားတယ်။ Team တစ်ခုက ပီဇာ နှစ်ချပ် နဲ့ စားမလောက်ဘူး မ၀ဘူးဆိုရင် team အရွယ်အစားကြီးနေပြီ။ အဖွဲ့ငယ်အဖြစ်ခွဲဖို့လိုအပ်နေပြီလို့ ဆိုပါတယ်။
အဖွဲ့ငယ်အဖြစ်မခွဲလိုက်ရင် .. မန်နေဂျာနဲ့ပဲ ထိတွေ့မှုများပြီး အတွင်းပိုင်းကလူတွေက ပုပ်ပြီးနွမ်းလိုက်လာပြီး ဘာမှန်းမသိနုတ်ထွက်ကုန်ကျတဲ့အတွက်ဖြစ်ပါတယ်။
ဒါကြောင့် .. ကျွန်တော်ပြောတာ.. လုပ်ငန်းအဖွဲ့အစည်း ဆိုတာ သက်ရှိ living organism ပါဆို။
ကဲ.. စာရှည်သွားပါပြီ။ နောက်ပိုင်းလဲ ဆက်ပြောပြပါဦးမယ်။
စီးပွားရေးအကြံပေး
Employee Motivation System (EMS)
ဝန်ထမ်းအုပ်ချုပ်မှုပုံစံသစ်
