ကိုယ်မပါလဲ ငွေဝင်ဖို့ဆိုတာ..

စီးပွားရေးလုပ်ငန်းတိုင်းမှာ PRODUCT (ထုတ်ကုန်) ဆိုတာရှိတယ်။

ဒါပေမယ့် ထုတ်ကုန် တစ်ခုကပဲ‌ ငွေဝင်တာမဟုတ်ဘူး။

ထုတ်ကုန်ဆိုတာ ASSET ဖြစ်တယ်။ ASSET တိုင်းက တန်ဖိုးတစ်စုံတစ်ရာရှိနေတယ်။ အဲဒီ Assets တန်ဖိုးပြောင်းလဲမှုတွေကနေလဲ ငွေဝင်နိုင်တယ်။

ကိုယ်မပါပဲ ငွေဝင်နေဖို့ဆိုတာ ကိုယ်မရှိပဲလဲ တန်ဖိုးရှိနေ၊ ဖြစ်နေတဲ့ ASSETS တွေကိုလုပ်ငန်းထဲမှာ များများဖန်တီးဖို့လိုတယ်။

#မာသင်

အမှန်တော့ “စီးပွားရေးလုပ်ငန်းတိုင်းရဲ့ ခရီးလမ်း ဆိုတာ တန်းဖိုးဖန်တီးမှု လမ်းစဉ် ပေါ်ကနေသွားနေရတာ”

ဒါကြောင့် .. “The entrepreneurial journey is actually a journey of asset creation” လို့ Denial ကပြောခဲ့တာ။

ဒါကြောင့် လုပ်ငန်း ခရီးလမ်းမှာ ငွေဝင်နိုင်တဲ့ Assets တွေကို များများဖန်တီးခဲ့ဖို့လိုတယ်။

မိမိလုပ်ငန်းထဲမှာ ဖန်တီးလို့ရတဲ့ Assets ပေါင်း (၃၀ ) မျိုးရှိတယ်။

ခေါင်းစဉ်အားဖြင့် (၇) ခုရှိတယ်။

ခေါင်းစဉ် (၇) ခုကို လိုတိုရှင်းဖော်ပြရမယ်ဆိုရင် …

1. IP Assets လို့ခေါ်တယ်။ ရရှိထားတဲ့ လိုင်စင်တွေ၊ မူပိုင်ခွင့်တွေ၊ Trade mark တွေ၊ ထိတွေ့ကိုင်တွယ်လို့မရတဲ့ တန်ဖိုးရှိတဲ့ assets တွေပေါ့။

2. Product Assets လို့ခေါ်တယ်။ ထုတ်ကုန်ဆိုတာ asset ပဲ။ ကိုယ်ဖန်တီးထားတဲ့အရာတစ်ခုမှ တန်ဖိုးမရှိရင် လုပ်ငန်းဆိုတာဘယ်လိုလို့ရှိတော့မတုန်း။ သူကပဲ ဝင်ငွေဆိုတာကိုရှာပေးနေတာ။ မိမိလုပ်ငန်းရဲ့ ထုတ်ကုန်ဆိုတာ ကိုယ်မပါလဲ သူ့မှာ တန်ဖိုးရှိနေတယ်။ အဲဒါ assets ရဲ့ အလှတရားပဲ။ ဒါကြောင့် .. ထုတ်ကုန် တစ်မျိုးတစ်ခုတည်းကိုပဲ အားကိုးပြီးလုပ်ငန်းကို မရပ်တည်နဲ့။

3. Market Assets လို့ခေါ်တယ်။ ကိုယ့်လုပ်ငန်းက စျေးကွက်လွမ်းခြုံပိုင်ဆိုင်မှုအနေအထားဆိုတာ asset ပဲ။ လုပ်ငန်းချင်းတူပေမယ့် စျေးကွက်လွမ်းခြုံပိုင်ဆိုင်မှုအနေအထားမတူနိုင်ဘူးလေ။ စျေးကွက်ဝေစုများတဲ့လုပ်ငန်းက ပိုပြီးတန်ဖိုးကြီးရမှာပေါ့။ စျေးကွက်လွမ်းခြုံပိုင်ဆိုင်မှု ဆိုတာအကြောင်းအရာ(၃) ရပ်ပေါ်မှာ မူတည်နေတယ်။ Distribution Channels လို့ခေါ်တဲ့ ဖြန့်ဝေမှုလမ်းကြောင်းပိုင်ဆိုင်မှုအနေအထား၊ Marketing Channels ဆိုတဲ့ စိတ်ကွက်ဝေစုလမ်းကြောင်းပိုင်ဆိုင်မှုအနေအထား၊ Customer Database ဆိုတဲ့ စားသုံးသူတွေရဲ့ ဒေတာပိုင်ဆိုင်မှုအနေအထား ဆိုတဲ့အရာပေါ်မှာမူတည်တယ်။

4. Brand Assets လို့ခေါ်တယ်။ ဘရန်းဆိုတာ တန်ဖိုးရှိတယ်။ ဘရန်းတန်ဖိုးဆိုတာ အကြောင်းအရာ (၃) ခုပေါ်မှာ မူတည်တယ်။ philosophy ဖီလော်ဆော်ဖီပြန့်နှံ့မှု၊ Brand identity ဘရန်းသက်သေခံအချက်အလက်၊ brand ambassadors ဘရန်းကိုယ်စားပြုသူ ဆိုတဲ့အချက်တွေပေါ်မှာမူတည်ပြီး တန်ဖိုးကြီးမြင့်လာတယ်။

5. System Assets လို့ခေါ်တယ်။ လုပ်ငန်းတွင်းလည်ပတ်မှုဆိုင်ရာစနစ်တွေမှာ တန်ဖိုးရှိတယ်။ တန်ဖိုးရှိလို့ပဲ ဖရန်ချိုက်လုပ်ငန်းတွေမှာ အဲဒီစနစ်ကိုပဲ သီးသန့်စျေးကြီးပေးဝယ်ကြရတာမဟုတ်လား။ ကိုယ့်လုပ်ငန်းနဲ့ သူလုပ်ငန်း တူချင်တူနိုင်ပေမယ့် သူ့လည်ပတ်ပုံစနစ်နဲ့ ကိုယ့်လည်ပတ်ပုံစနစ်မတူညီကွဲပြားတာနဲ့ တန်ဖိုးဆိုတာ ကွဲပြားသွားနိုင်တယ်လေ။

6. Talent & Management Assets လို့ခေါ်တယ်။ စီးပွားရေးလုပ်ငန်းတစ်ခုအောင်မြင်တယ်ဆိုတာ လူမှန်နေရာမှန်၊လူတော်လူကောင်းတွေအများကြီးလိုတယ်မဟုတ်လား။ အဲဒီလိုလူတွေကိုယ့်ဆီမှာအနည်းနဲ့အများရှိနိုင်တယ်လေ။ အနည်းအများပေါ်မူတည်ပြီးလုပ်ငန်းရဲ့ တန်ဖိုးကလဲ ကွာဟသွားနိုင်တယ်လေ။ ပိုက်ဆံရှိပေမယ့် လူမှန်နေရာမှန်၊ လူတော်လူကောင်းတွေမရှိရင် လုပ်ငန်းကို လည်ပတ်လို့မရဘူးမဟုတ်လား။

7. Financing Assets လို့ခေါ်တယ်။ လုပ်ငန်းမှာ ငွေကြေးလိုအပ်လာလို့ ရှာမယ်ဆိုရင် လွယ်လွယ်ကူကူရှာလို့ရနိုင်ခြင်း၊ မရနိုင်ခြင်းဆိုတာ လုပ်ငန်းတစ်ခုနဲ့တစ်ခု မတူဘူး၊ အဲဒါကို Financing Viable လို့ခေါ်တယ်။ ကိုယ့်ဆီမှာ အချက်(၄) ချက်အဆင်သင့်ပြင်ဆင်ထားနိုင်ရမယ်။ အဲဒါတွေက Business Plan လုပ်ငန်းအစီအစဉ်၊ Valuation လုပ်ငန်းတန်ဖိုးသတ်မှတ်မှု၊ Structure လုပ်ငန်းအထာကျမှု၊ Risk Mitigation ဆုံးရှူံးနိုင်မှုအခြေအနေများကာကွယ်ထားနိုင်မှု ဆိုတဲ့အချက်တွေပေါ်မှာ မူတည်ပြီး ငွေကြေးရင်းနှီးမြုပ်နှံလိုတဲ့ လူ နဲ့ ဘဏ်အဖွဲ့အစည်းတွေရဲ့ စိတ်ဝင်စားမှုကိုရယူနိုင်လို့ပဲဖြစ်တယ်။

ဒီလောက်ဆိုရင် သဘောပေါက်ပြီထင်ပါတယ်။ Assets အမျိုးပေါင်း (၃၀) ကိုတော့ စာရှည်မှာဆိုတော့ နောက်မှပဲ ရေးပေးတော့မယ်။ ဒီနေ့ တော့ခေါင်းစဉ် နဲ့တင်ကို လိုတိုရှင်းဆိုပေမယ့် စာရှည်သွားပြီ။

တစ်ခုတော့ ရသွားစေချင်တယ်။

စီးပွားရေးလုပ်ငန်းမှာ ကိုယ်မပါပဲ ငွေဝင်နေဖို့ဆိုတာ..

ကိုယ်မရှိပဲလဲ တန်ဖိုးရှိနေ၊ တန်ဖိုးဖြစ်နေတဲ့ ASSETS တွေကို လုပ်ငန်းထဲမှာ များများဖန်တီးဖို့လိုတယ်။

မာသင်

ကဲ. .ဒီနေ့ကစပြီး စီးပွားရေးခရီးလမ်းမှာ …

Assets တွေတစ်ခုပြီးတစ်ခု ဖန်တီးတည်ဆောက်နိုင်ကြပါစေခင်ဗျာ။ ။

#မာသင်

စီးပွားရေးအကြံပေး