၀င်ငွေ ဝင်နေဖို့လျို့ဝှက်ချက် (၃) ခု
Automation (အော်တို ဖြစ်နေရမယ်)
အော်တိုဖြစ်ခြင်းဆိုတာ …
တစ်ခါရောင်းမှ … အရောင်းရှိတယ်ဆိုရင် အလုပ်မဖြစ်ဘူး။
ဒီနေ့ရောင်းမှ .. ဒီနေ့ဝင် ဆိုရင် ..
ဒီနေ့မလုပ်၊ မရောင်းနိုင်ရင် မဝင်တော့ဘူး။
ရေတုံငင် လို တစ်ခါ အားထုတ်ဆွဲချမှ တစ်ခါ ရေထွက်ရင် .. ခေတ်မကောင်းလိုမဆွဲနိုင်ရင် ရေမထွက်တော့ဘူး။
အရောင်း .. ဆိုတာ အော်တို ဖြစ်နေရမယ်။ ရေတုံငင်လို မဟုတ်ပဲ ရေစုပ်စက်လိုဖြစ်နေရမယ်။ ရေထွက်တာ ဆက်ငင်ဆက်ငင်မဟုတ်ပဲ ခလုတ်တစ်ချက်နိပ်လိုက်တာနဲ့ရေတရစပ် အော်တိုထွက်နေရမယ်။
ဝယ်ချင်သူတိုင်း .. ဝယ်ချင်တဲ့အခါတိုင်းအတွက်.. အော်တိုတွေ ပြင်ဆင်ထားရမယ်။
အော်တို ရောင်းနေတဲ့ နေရာရှိရမယ်။
အော်တိုရောင်းနေတဲ့ အရောင်း ရှိရမယ်။
အော်တိုကြေငြာနေတဲ့သူတွေရှိရမယ်။
အော်တို ပြောနေတဲ့သူတွေရှိရမယ်။
အော်တိုရောင်းနေမှ … အရောင်းအော်တိုရှိနေပြီး .. ဝင်ငွေလဲ အော်တိုဝင်နေမယ်။
Duplication (ပွားများနိုင်ရမယ်။)
တစ်ကြိမ်ရောင်းရဖို.. တစ်ခါလုပ်နေရတယ်ဆိုရင် အလုပ်မဖြစ်ဘူး။
တစ်ကြိမ်လုပ်ပြီး … ထပ်ခါထပ်ခါပွားနိုင်ရမယ်။
ရုပ်ရှင် ဇာတ်ကားတစ်ကားလိုပေါ့။
ပွားများနိုင်စွမ်း ရှိတဲ့ ထုတ်ကုန်/ ဝန်ဆောင်မှုဖြစ်ဖိုလိုတယ်။
Repetition (ကြိမ်ခါစား နိုင်တဲ့အရာဖြစ်ရမယ်)
သရက်ပင်တစ်ပင်လိုပေါ့။ တစ်ခါစိုက်ထားတယ်။ ထပ်ခါထပ်ခါ အကြိမ်ကြိမ်အခါခါ စားရတယ်။
တစ်ခါစားဖိုတစ်ပင်စိုက်နေရတဲ့ ထုတ်ကုန် နဲ့တစ်ကြိမ်စိုက်ပြီး ကြိမ်ခါစား ရတဲ့ ထုတ်ကုန်ကွာတယ်။
ဒါကြောင့်.. ဝင်ငွေဝင်နေဖိုလျိုဝှက်ချက်က .. စကား(၃) လုံး ပါတဲ့ စာတစ်ကြောင်း ပဲ။
“အော်တို၊ ပွားများ၊ ကြိမ်ခါစား” ပေါ့။
လုပ်ငန်းများ ၊ ဝင်ငွေများ အဆင်ပြေကြပါစေ။
မာသင်
